Քո առողջությունը. հարբուխից հետո

ՀԱՐՑ: Վերջերս ծանր գրիպ եմ տարել: Ապաքինվելուց հետո բժիշկն ինձ արյան ընդհանուր անալիզ նշանակեց: Արդյունքում՝ պարզվեց, որ էրիտրոցիտների և ԷՆԱ-ի (էրիտրոցիտների նստման արագություն) տոկոսը բարձր է: Բժիշկը բացատրեց, որ պատճառն այն է, որ անալիզն անմիջապես հիվանդությունից հետո եմ հանձնել, և հարկավոր է այն վերահանձնել: Այդ դեպքում ինչո՞ւ նշանակումն արվեց հիվանդությունից անմիջապես հետո:

ՊԱՏԱՍԽԱՆ: Քանի որ առողջ մարդու արյան բաղադրությունը բավական հաստատուն է, դրա ցանկացած փոփոխություն կարևոր նշանակություն ունի: Բարձր ջերմաստիճանի արդյունքում առաջացած ջրազրկման պատճառով արյան ջրիկ բաղադրությունը (արյան հեղուկ մասը) կրճատվում է, և այդ ֆոնի վրա էրիտրոցիտների քանակը կարող է նորմայից բարձր լինել: Առհասարակ, վիրուսային հիվանդությունների դեպքում կառուցվածքային փոփոխությունները կապված են, որպես կանոն, լեյկոցիտների և ԷՆԱ-ի հետ: Հիվանդության զարգացմանը զուգընթաց`ԷՆԱ-ն մեծանում է դանդաղ, իսկ լեյկոցիտների տոկոսն, ընդհակառակը, արագ կերպով: Ապաքինվելուց հետո ԷՆԱ-ն փոքրանում է նույնպես աստիճանաբար, իսկ լեյկոցիտոզը կրճատվում է արագ:

ԷՆԱ-ն նորմայի մեջ է մտնում ապաքինվելուց հետո մեկ ամսվա ընթացքում: Լեյկոցիտոզն արտահայտվում է հենց հիվանդության առաջին օրից և սովորաբար ապաքինվելուն պես անցնում է:

Քեզ մոտ լեյկոցիտների քանակը նորմայի մեջ է, իսկ ԷՆԱ-ն բարձր է. ըստ էության, ամեն ինչ ընթանում է ինչպես հարկն է: Սակայն լրացուցիչ անալիզը կօգնի մասնագետին համոզվել բուժման արդյունավետության մեջ և ճիշտ ժամանակին հայտնաբերել ու կանխել գրիպին հաջորդող հավանական բարդությունները:

Հարցեր, պատասխաններ, մեկնաբանություններ